საფრანგეთი

საფრანგეთის ისტორია და მისი მწერლები ცნობილია მთელ მსოფლიოში და ბევრ ტურისტს სურს ამ ნაკვალევთან მიახლოება  –  ისინი სტუმრობენ ციხეებს, ეკლესიებს, მუზეუმებს, ძეგლებს, პრეისტორიულ ადგილებს და ეს მემკვიდრეობა ძალიან კარგ მდგომარეობაშია, რადგან ბევრი ძეგლი აღდგენილია, თვალს იტაცებს ულამაზესი განათებით და კარგად მოვლილი მწვანე სივრცეებით და ბოლოს, გასართობი პარკები, როგორიცაა Disneyland Paris და Futuroscope, ძალიან პოპულარულია ტურისტებში. 

უდავოა აგრეთვე ფრანგული საკვებისა და მისი ღვინის მრავალსაუკუნოვანი რეპუტაცია.

ბევრი ტურისტი მხოლოდ ერთ ღამეს ათენებს საფრანგეთში –   მისი მდებარეობა ევროპის გულში  საშუალებას გაძლევთ მოინახულოთ რამდენიმე ქვეყანა ერთი მოგზაურობის დროს.

საფრანგეთი, იმის გათვალისწინებით, რა ხარისხსაც სთავაზობს ჩასულ სტუმრებს, ძვირი ქვეყანა სულაც არ არის. აქ ნებისმიერი ბიუჯეტისა და გემოვნების ადამიანი იპოვნის თავისთვის საინტერესო მომსახურებას, იქნება ეს სასტუმრო, კვების ობიექტი, გასართობი დაწესებულება თუ სხვა.